6
Ням гараг бүр VTV телевизээр 21 цагт гардаг Дефакто тоймын эмхэтгэл:
2019.12.15-ны дугаар
Долоо хоног бүрийн тойм,
http://jargaldefacto.com/category/12
ТОЙМ
ДеФакто
МОНГОЛ УЛС ХҮНИЙ ХӨГЖЛИЙН
ӨНДӨР ҮЗҮҮЛЭЛТТЭЙ ОРОНД БАГТЛАА
НҮБ-ын Хөгжлийн хөтөлбөрийн Суурин төлөөлөгч
хатагтай Илейн Конкиевич
“Монгол улс энэ удаагийн тайлангаар хүний
хөгжлийн өндөр үзүүлэлттэй оронд багтаж буй нь
сайн хэрэг ч өнгөрсөн жилүүдийн 92 дахь байрнаас
урагшлаагүй байна. Хүний хөгжил гэдэг нь тогтмол
тоон дүн бус улс орны хөгжил дэвшлийн хувьсан
өөрчлөгдөж байдаг ойлголт юм. 2030 он гэхэд энэ
байрыг 70 дотор болгон урагшлуулах зорилгыг
Монгол улсын алсын хараа 2030 баримт бичигт
дэвшүүлсэн бөгөөд бид энэ зорилгыг биелүүлэхийн
төлөө хичээх ёстой”
НҮБ-ын Хөгжлийн хөтөлбөрөөс эрхлэн бэлтгэдэг Хүний хөгжлийн илтгэлийг танилцууллаа. 189 орныг дундаж
наслалт, сургуульд суралцах хугацаа, нэг хүнд ногдох үндэсний нийт орлого (GNI per capita based on PPP) гэсэн 3
үндсэн үзүүлэлтээр хэмжиж эрэмбэлдэг. Үүнээс хүний маш өндөр хөгжилтэй 62 орон, өндөр хөгжилтэй 54 орон,
дунд хөгжилтэй 37 орон, сул хөгжилтэй 36 орон байна. Монгол улс энэ жилийн тайлангаар 92 дугаарт буюу
хүний хөгжлийн өндөр үзүүлэлттэй оронд багтжээ. Харин Орос 49-рт буюу маш өндөр үзүүлэлттэй улс, Хятад
85-рт буюу өндөр үзүүлэлттэй орны тоонд оржээ. Монгол улс 2017 онд 94-рт байснаас энэ жил 92-рт орсон нь
зарчмын хувьд яг адилхан байр.
Монгол улс дахь НҮБ-ын Суурин
зохицуулагч ноён Тапан Мишра
“Xүн бүрийн саналыг тусгаж чадаагүй
шийдвэр олшрох аваас бидэнд тулгамдаж
буй жинхэнэ, бодит асуудал шийдэгдэлгүй
үлдэнэ. 2030 он гэхэд Тогтвортой хөгжлийн
зорилгуудад хүрсэн байхын тулд тэгш
байдлыг хангах нь нэн чухал. Тиймээс
Монгол улс цаашид тэгш бус байдлыг
бууруулж, хүн бүрт хүртээмжтэй өсөлтийг
хангахыг чухалчилна гэдэгт итгэлтэй байна”