Товч агуулга:"Мэргэд гарахын орон нэрт тогтоосон даяг"-ийн хураангуй нэр нь "Мэргэд гарахын орон", үүний "тогтоосон даяг" хэмээх нь журамлаж тогтоосон дохио бичиг гэсэн утга юм. Монголчууд Буддын шашны их цоморлог "Ганжуур", "Данжуур"-ыг XIV зуунаас орчуулж эхэлсэн бөгөөд улмаар Төвөд "Ганжуур"-ыг Цахарын Лигдэн хааны үед (1603-1634) орчуулж дуусгаад 1717-1720 оны хооронд барлажээ. Үүний араас "Данжуур"-ыг орчуулахад анх түрүүн шаардлагатай арван ухааны ном сударт гардаг олон нэрийг төвөд монголоор оноон журамлажээ. Иймээс Монголын үе үеийн эрдэмтэн, гүүш нарын орчуулгын гарын авлага болсоор ирсэн бүтээл юм.
