Товч агуулга:Энэ ботид Монгол Улс, БНХАУ-ын эрдэмтэн судлаачдын бичсэн монгол тууль, үлгэр, домог, аман зохиолын онол ба бага төрлүүд, хуримын аман зохиолын судалгаанд холбогдох эрдэм шинжилгээний өгүүллүүд, орчуулга, тэмдэглэлийг нийтлүүлжээ. Үүнд монгол туулийн гарал үүсэл, хөгжил уламжлал, монгол тууль дахь хувцасны соёл, туулийн баатрыг шүтэн бишрэх шүтлэгийн зан үйл, монгол үлгэр, домгийн харьцуулсан судлал, үлгэр дэх тооны бэлгэдэл, аман зохиолын бага төрлүүдийн туурвилзүйн асуудлыг авч үзсэн эрдэм шинжилгээний өгүүллүүд, аман зохиолыг ангилах зарчмын асуудлыг хөндсөн орчуулгын өгүүлэл, эрдэм шинжилгээний нэг сэдэвт зохиолын талаар өгүүлсэн тэмдэглэлийг багтаажээ.
