Товч агуулга:Үндсэн хуулийн цэцийн гишүүн, МУИС-ийн Хууль зүйн сургуулийн профессор Ж.Эрдэнэбулган, Чингэлтэй, Сонгинохайрхан дүүргийн Эрүүгийн хэргийн анхан шатны шүүхийн шүүгч С.Батгэрэл, Л.Галбадар, М.Мөнхбаатар нар шүүхээр шийдвэрлэсэн эрүүгийн бодит хэргүүдээс түүвэрлэн “Эрүүгийн эрх зүйн бодлого, тохиолдол, хууль хэрэглээ” номыг уншигч та бүхэнд хүргэж байна. Уг бүтээлийг сургалтад хэрэглэж байгаа бодлого бодох нийтлэг аргачлалд тулгуурлан боловсруулжээ. Хуульч мэргэжлийн нэг онцлог нь аливаа үйл явдлыг тал бүрээс нь задлан шинжилж түүнийгээ нэгтгэн дүгнэж оночтой зөв шийдвэр гаргах арга зүй, чадварыг эзэмшсэн байхыг шаарддаг. Тус номыг энэхүү хэрэгцээ, шаардлагад нийцүүлэн боловсруулсан болно.