Товч агуулга:Монгол Улс дахь үзэмчин аялгууны талаар Ж.Төмөрцэрэн анхны өгүүлэл, нэг сэдэвт зохиолыг бичсэн байна. "Үзэмчин аялгууны зарим онцлогоос" ('Acta Mongolica', Уб., 1964, №4; 'Монгол судлалын зарим асуудал Улаанбаатар , 1964, Т.IV, F.1), "Үзэмчин аялгууг судалсан тэмдэглэлээс" ("Монголын судлал' Уб., 1969(1968), T.VI, F.33) хэмээх хоёр өгүүлэл нийтлүүлж, 1974 онд "Үзэмчин аман аялгууны харшуулсан түүхэн судлал" хэмээх нэг сэдэвт зохиол бичжээ. "Энэ зохиолын гол хэрэглэгдэхүүн нь Дорнод аймгийн Сэргэлэн, Баянтүмэн, Булган сумын үзэмчин аман аялгуу болно. Ийм учраас энэ зохиол нь хуучны зүүн үзэмчин хошууны аман аялгууг судалсан болох юм... Мөн Чойбалсан, Улаанбаатар хотод бүхий үзэмчин өвгөд хөгшидтэй уулзаж, зарим ээдрээтэй асуудлыг шүүн магадаллаа" гэж дурджээ. Өнөө үед Монгол Улсад суугаа үзэмчин хүмүүсийн хэл яриа халх аялгуунд нэгэнт уусаж, ялгарахаа барar больсон тул 1960-1970-аад оны түүхэн баримтыг бичиж үлдээсэн түүний энэхүү бүтээлүүд хэл шинжлэлийн хувьд асар үнэ цэнтэй билээ.
