Товч агуулга:ШУА-ийн Олон улс судлалын хүрээлэнгийн эрдэмтэн судлаач А.Нямдолжин, Д.Шүрхүү, Н.Ариунгуа болон Буриадын Улсын Их Сургуулийн эрдэмтэн судлаач В.А.Родионов, И.Г.Актамов, И.Ц.Доржиева, Э.В.Цыремпилова, А.В.Комбаев нарын өгүүллүүдийг эмхэтгэсэн “Зөөлөн хүчний бодлого: Монгол-Оросын харилцаа” өгүүллийн эмхэтгэлийг уншигч та бүхэнд хүргэж байна. Уг бүтээлд “Зөөлөн хүчний бодлого” Монгол Улсын хөгжилд хэрхэн туссан хийгээд “зөөлөн хүчний бодлого” хэмээх ойлголтод оршиж буй улс төр, геополитикийн агуулгыг нээн харуулахын зэрэгцээ Ж.Найн дэвшүүлсэн “зөөлөн хүч”-ний онолын үзэл баримтлалд олон улсын нөхцөл байдалтай уялдан гарч буй зарим нэгэн өөрчлөлт, хувьсалтыг дурдан, ОХУ-ын хэрэгжүүлж буй “зөөлөн хүч”-ний бодлого, Монгол Улсын “зөөлөн хүч”-ний бодлого явуулах боломж, Монгол-Оросын харилцаанд “зөөлөн хүч”-ний бодлогын үзүүлэх эерэг нөлөө, хоёр орны боловсролын салбар дахь харилцан нөлөөллийн мөн чанарыг тодорхойлж буй хандлага, хүчин зүйлүүдийг нээн харуулж, “зөөлөн хүч”-ний бодлого хэвлэл мэдээллийн хэрэгслээр дамжин хэрхэн илэрдэг болохыг онцлон, Оросын Монгол Улс руу чиглэсэн "зөөлөн хүч"-ний бодлогод улс төр, эдийн засаг, цэрэг армийн нөлөөллийн аргаас гадна орос хэл, боловсрол, шинжлэх ухаан, олон нийтийн мэдээлэлтэй холбоотой соёлын арга барилууд чухал ач холбогдолтой болохыг дэлгэрэнгүй өгүүлжээ.