Товч агуулга:Уран зохиол судлагч доктор (Sc.D) Самбуугийн Хөвсгөл "Саран хөхөөний намтар" жүжгийн зохиолын шинжлэл, бичвэр судлал" хэмээх эл бүтээлдээ Дорноговь аймгийн Равжаа судлалын музейд хадгалагдаж буй 431 нүүр бүхий улаан хавтастай 10 дэвтэр бичвэрийг эрдэм шинжилгээний галиг үсгээр буулгаж, түүнийгээ өргөн олон ушигчдад хүргэх зорилгоор монгол шинэ үсгээр буулгаж, улмаар эл ховор дурсгалын эхийг гэрэл зургаар хавсарган нийтлүүлсэн нь эрдэм шинжилгээний хувьд чухал ач холбогдолтой бүтээл болсон хэмээн үзэж байгаа амуй. Үүний нөгөөтэйгүүр эл жүжгийн зохиолоос дундад зууны үед нүүдэлчин монголчууд театрын урлагийн суурийг тавьж, эртний уламжлалт харилцаа дууныхаа ул ухааныг шингээсэн өвөрмөц маягийн дуулалт жүжгийг хэрхэн туурвиж байсныг олж үзэж болох ажээ.