Товч агуулга:Энэхүү бүтээлд Монгол Улс дахь шашны байгууллагуудын үйл ажиллагаа өргөжихийн хэрээр иргэдийн шашинд хандах хандлага, шашин шүтлэгийн байдал өөрчлөгдөж, улмаар нийгэм, соёл боловсрол, эдийн засгийн гээд бүхий л салбарт хүчтэй нөлөө үзүүлэх болсон талаар өгүүлэхийн зэрэгцээ энэхүү өргөн өөрчлөлтийн үр дүнг Төр, сүм хийдийн харилцааны тухай хуулиар зохицуулах боломжгүйгээс гадна хуулийн зохицуулалтын хүрээ нь зөвхөн шашны байгууллагатай холбоотой харилцаагаар хязгаарлагдсан, мөн шашны харилцаанд тавих хяналтын хэлбэрийг уламжлалт буюу Буддын шашны шинж, онцлогт тулгуурлан сүм, хийд, дацан, төв гэсэн хэлбэрээр тодорхойлсон (Христийн шашны байгууллага нь ихэвчлэн чуулган, цуглаан гэсэн нэрээр үйл ажиллагаа явуулдаг) зэргээс хамаарч тус хуулийн хэрэгжилттэй холбоотой олон бэрхшээл үүсэх болсон талаар тусгажээ.
