Товч агуулга:Энэхүү бүтээлд Монгол улсын газар нутгийн 0.3 хувийг эзэлдэг Улаанбаатар хотод нийт хүн амын 47.6 хувь нь амьдарч байгаа төдийгүй хүн амын төвлөрлөөс үүдэн агаар, орчны бохирдол, авто замын түгжрэл, нийгмийн болон инженерийн дэд бүтцийн хүртээмжгүй байдал зэрэг олон хүндрэл тулгарч байгааг хотын удирдлага бие даан шийд гээд орхих бус урт хугацааны хөгжлийн бодлогодоо тусгаж, шийдвэрлэх нь зүйтэй гэж үзэн Улаанбаатар хотыг шинжлэх ухааны үндэслэлтэй төлөвлөж, орчин үеийн шийдэл бүхий, нийгэм-эдийн засгийн үр өгөөжтэй, иргэндээ ээлтэй хот болгон цогцлоох ирээдүйн зорилгыг тусгалаа.
