Товч агуулга:Энэхүү номонд монголчуудын Жибэн буюу Япон орныг, япончууд Моокоо буюу Монгол, монголчуудыг XX зууны эхнээс харилцан сонирхох болсон, Богд хаант Монгол улс Японтой харилцан гуравдахь хөршөө болгох гэсэн хүсэл эрмэлзэл, бодит алхамууд, Япон Азийн эх газрын бодлогынхоо хүрээнд "Сото МооКоо", цаашилбал БНМАУ-ыг сонирхох болсон, Номонхан буюу Халхын голын дайныг тойрсон цэрэг-дипломатын зөрчил, Зөвлөлт-Японы хооронд 1941 онд байгуулсан төвийг сахих гэрээнд БНМАУ-ын статусыг хэрхэн хөндсөн, БНМАУ 1945 онд Японд дайн зарласан зэрэг XX зууны эхэн хагасын түүхийн ээдрээтэй олон асуудлын учир шалтгаан, тайлалыг Зүүн Азийн олон улсын харилцааны өргөн дэвсгэр дээр гаргасан байна. Түүнчлэн дэлхийн II дайны дараа Монгол ба Япон хэрхэн бие биеэ шинээр нээсэн, 1972 онд албан ёсоор дипломат харилцаа тогтоохын тулд "хүйтэн дайн"-ы ямар бэрхшээл сорилтыг хоёр талаас туулсан, дипломат харилцаа тогтоосны дараах социализмын үеийн бодит байдал, 1990 оноос Монголд эхэлсэн ардчилсан өөрчлөлтийн үр дүнд хоёр орны харилцаанд "гуравдагч хөрш"-ийн харилцааны зарчмын цоо шинэ үе эхэлж, сүүлийн 30 жилд хоёр орны харилцаа "иж бүрэн түншлэл"-ээс "стратегийн түншлэл"-д дэвшсэнийг өгүүлжээ.
