Товч агуулга:Эрдэмтэн судлаачдын баг Монгол Улсын Үндэсний төв архив, Гадаад харилцааны төв архивын сан хөмрөгүүдэд баримтын судалгаа хийж, холбогдох 700 гаруй баримт бичгийг илрүүлснээс 229 баримтыг нь сонгож авч, энэхүү эмхэтгэлийн үндсэн болон тайлбар хэсэгт оруулжээ. Хэвлэгдэн гарч буй эдгээр баримтаас 200-гаад нь анх удаа эрдэм шинжилгээ, судалгааны эргэлтэнд орж байгаа тул Монгол-Хятадын соёлын харилцааг цаашид гүнзгийрүүлэн судлах судлаачдад чухал хэрэглэгдэхүүн болох ач холбогдолтой юм. Энэхүү баримт бичгийн эмхэтгэл нь Монгол, Хятадын харилцааны эхэн үеийн нэгэн чухал чиглэл болох соёл, шинжлэх ухааны харилцаа, хамтын ажиллагааны эхлэл, өрнөл, хөгжлийг харуулсан түүхэн эх сурвалж – архивын баримтуудыг агуулсан анхны төрөлжсөн бүтээл болж байгаа бөгөөд ШУА байгуулагдсаны 60 жилийн ойд зориулснаараа онцлог юм.