Товч агуулга:АХБ-наас 2017–2020 онуудад Монгол Улстай Хамтран хэрэгжүүлэх түншлэлийн стратеги (ХТС) нь эдийн засаг хүндрэлтэй ч хүртээмжтэй өсөлтийг хангахын тулд хөрөнгө оруулах, бодлогын шинэтгэлийг дэмжих, чадавхи бэхжүүлэх, мэдлэг шилжүүлэх замаар тулгарч буй гол сорилтуудыг шийдвэрлэхэд хувь нэмэр оруулах болно. Ингэхийн тулд, АХБ-аас хэрэгжүүлэх үйл ажиллагаа стратегийн дараах гурван чиглэл буюу (i) нийгэм, эдийн засгийн тогтвортой байдлыг хангах, (ii) эдийн засгийн төрөлжилтийг дэмжих дэд бүтцийг хөгжүүлэх, болон (iii) байгаль орчны тогтвортой байдлыг дэмжихэд чиглэгдэх болно.