Товч агуулга:2007-2008 оны дэлхийн санхүүгийн хямралд Монгол Улсын эдийн засаг хүчтэй өртсөн юм. Ядуурал газар авч, нийгмийн суурь болон эрүүл мэндийн үйлчилгээний хүртээмж огцом буурсан нь хүүхэд, эмэгтэйчүүдийн эрүүл мэндийн байдалд сөргөөр нөлөөлсөн. Эрүүл мэндийн эрхийн бичиг хөтөлбөр нь эрүүл мэндийн салбарт анх удаа хөтөлбөрт хамрагдах эрх бүхий зорилтот өрхийг сонгоход Орлогыг орлуулан тооцох аргачлалыг хэрэглэсэн юм. Тус хөтөлбөр Засгийн газрын эрүүл мэнд, нийгмийн үйлчилгээний тэгш хүртээмжтэй байдлыг нэмэгдүүлсний зэрэгцээ улс төрийн хүсэл эрмэлзэл, дэмжлэг нь энэ төрлийн хөтөлбөрийн цаашдын тогтвортой байдлыг хангахад нэн чухал байдгийг тодхон харуулсан билээ. Энэхүү тайлан нь Эрүүл мэндийн эрхийн бичиг хөтөлбөр, түүний загвар, хэрэгжилтийг олон улсын шилдэг туршлагуудтай харьцуулах замаар тайлбарлах болно.