Товч агуулга:Монгол Улсын Засгийн Газар, Жендэрийн үндэсний хороо, Азийн хөгжлийн банк хамтран хэрэгжүүлж буй "Иргэний нийгмийн оролцоотойгоор жендэрийн тэгш байдлыг хангах нь" техникийн туслалцааны төслийн хүрээнд салбарын жендэрийн бодлогын хэрэгжилтэд төр, төрийн бус байгууллага, иргэдийн оролцоотой "Оролцооны хяналт шинжилгээ, үнэлгээ"-г хийж гүйцэтгэх чадавхыг хөгжүүлэхэд туслах 6 үе шаттай аргачлалыг боловсруулсан байна. Тус аргачлалын 1-р үе шат: Оролцооны хяналт шинжилгээ, үнэлгээг хэрхэн зохион байгуулж бэлтгэл ажлыг хангах вэ?, 2-р үе шат: Жендэрийн бодлогын төлөвлөлт болон хэрэгжилт дэх оролцооны хяналт шинжилгээ, үнэлгээ, 3-р үе шат: Оролцооны хяналт шинжилгээ, үнэлгээ хийх үеийн мэдээллийг хэрхэн цуглуулах вэ?, 4-р үе шат: Цуглуулсан мэдээллээ хэрхэн боловсруулж, шинжлэх вэ?, 5-р үе шат: Оролцооны хяналт шинжилгээ, үнэлгээний үр дүнг танилцуулах, бодлогын зөвлөмж боловсруулах, 6-р үе шат: Оролцооны хяналт шинжилгээ, үнэлгээний үр дүнд тулгуурлан шийдвэр гаргагчдад хэрхэн нөлөөлөх вэ, мэдээллийг хэрхэн түгээх вэ? гэсэн шатлалд хяналт шинжилгээ, үнэлгээг хийх шаардлагатай хэмээн үзсэн байна.