Товч агуулга:Авлигын эсрэг хуулийн 26 дугаар зүйлийн 26.1-д Улсын Их Хурал авлигатай тэмцэх хууль тогтоомжийн хэрэгжилт, авлигын ерөнхий нөхцөл байдлын талаар Авлигатай тэмцэх газрын мэдээллийг жил бүр мэдээлнэ гэж заасны дагуу энэхүү товхимлыг бэлтгэн хүргүүлж байна. Авлигатай тэмцэх газар 2017 онд Авлигатай тэмцэх үндэсний хөтөлбөр, Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль болон бусад хууль тогтоомжийг үйл ажиллагаандаа удирдлага болгон төрийн бодлогыг хэрэгжүүлж ажиллалаа. Үүний үр дүнд авлигын эсрэг олон нийтийг соён гэгээрүүлэх, авлигаас урьдчилан сэргийлэх, авлигын гэмт хэргийг илрүүлэх, мөрдөн шалгах, хуульд заасан этгээдийн хувийн ашиг сонирхлын болон хөрөнгө, орлогын мэдүүлгийг хянан шалгах чиг үүргээ хэрэгжүүлэх ажилд тодорхой ахиц гарчээ.
