Товч агуулга:Энэхүү тайланг 2017-2018 онд хийгдсэн "Хүүхдэд ээлтэй бизнес: Өнөөгийн байдал ба эрх зүйн орчин" судалгаан дээр үндэслэн бичсэн. Судалгаа нь Монгол улс дахь хүүхдийн эрхийн хэрэгжилтэд буюу хүүхдийн сайн сайханд бизнес хэрхэн нөлөөлж байгаа, болон ямар арга хэмжээ авч буйг эдийн засгийн зарим нэг гол салбаруудын жишээн дээр нэгтгэн харах, хууль эрх зүйн орчинд дүн шинжилгээ хийж, цаашид авах арга хэмжээний талаар холбогдох талуудад зөвлөмж боловсруулах зорилгоор хийгдсэн. Судалгааны хүрээнд тухайн сэдвийн судлагдсан байдлын талаар судалгаа хийж, Монголын эдийн засгийн зарим нэг гол салбарын төлөөлөл болсон томоохон болон жижиг, дунд хэмжээний компани, холбогдох мэргэжлийн холбоод, хөгжлийн болон төрийн бус байгууллагуудын төлөөлөлтэй ярилцлага хийсэн. Иймд энэхүү тайлан нь холбогдох талуудын санал бодол, туршлагуудыг агуулжээ.