Товч агуулга:ШУА-ийн Түүх, угсаатны зүйн хүрээлэнгийн Монголын эзэнт гүрний салбарын судлаачид, бусад түүхчдийн сүүлийн 10 гаруй жилийн турш хийгдсэн судалгаанд түшиглэн Монголын эзэнт гүрний бүрэн түүх 5 боть зохиолыг нэмэн засварлаж шинээр туурвижээ. Энэхүү “Монголын эзэнт улсын түүх” цувралын I боть “Их Монгол улс” бүтээлийг академич Ж.Болдбаатар, доктор Ц.Цэрэндорж, доктор, профессор С.Цолмон, доктор А.Пунсаг, доктор Ц.Энхчимэг нар хамтран бичжээ.Тус бүтээлд Хүннүгээс эхтэй монгол төрийн уламжлалд тулгуурлан байгуулагдсан Монголын ханлигаас эхлээд, Чингис хаан, Өгэдэй, Гүюг, Мөнх хааны үеийг хүртэлх Монгол улсын түүхийг хамруулан багтаахыг зорьсон энэхүү бүтээлд орчин үеийн түүх, археологийн судалгааны ололтыг ашиглахын зэрэгцээ бичгийн сурвалжийн мэдээг аль болох эш татаж, баталгаа нотолгоо болгон оруулснаараа шинэлэг бүтээл болсон байна.
