Товч агуулга:Судлаач энэхүү нэг сэдэвт бүтээлдээ Монгол хэл, аялгуунуудын нэг бүрэлдэхүүн хэсэг болох Өөлдийн аман аялгууны ерөнхий тогтолцоо, гол онцлогийг судлан шинжлэхийг зорьжээ. Судалгаанд өнөөгийн өөлд ястнууд оршин сууж буй Монгол улсын Ховд, Архангай, Говь-Алтай, БНХАУ-ын Шинжааны Нялх, Тэхэс, Монголхүрээ, Тарвагатай, Хөлөнбуйрын Имин, Хармөрөн мужийн Чичигар, Шилийн гол аймгийн буюу Цахарын хошуудын, Чэн дэ (Халуун гол), Долнуур, Алашаа, Хөх нуур зэрэг газар орныг хамруулан тэдний түүх, угсаатны зүй, аман зохиол, түүхт хүмүүсийн талаар нарийвчлан судалсан байна. Уг бүтээлд судлаач өөлдийн аман аялгууны үгсийн толийг шинээр хийж, мөн өөлд аялгууны авиазүй, үгзүй, өгүүлбэр зүйн бүтэц онцлогийг нилээд нарийн судлан шинжилснээрээ өөлдийн аман аялгууг анх удаа нэлээд өргөн хүрээнд судалсан бүтээл болжээ.