Товч агуулга:Кэтрин Мэнсфилд бол Виржиниа Вүүлфээс гадна англи хэлээр бүтээлээ туурвигч ХХ зууны хамгийн нөлөө бүхий эмэгтэй зохиолчдын нэг билээ. Ердөө 34-хөн наслахдаа тэрээр модернизмын сонгодог бүтээлд маргаангүй тооцогдох зуу гаруй өгүүллэг бичиж, олон зохиолчдод нөлөө үзүүлсэн. Уран зохиолын чанар чансаа болон уншигдаж, судлагдсан байдлыг харгалзан 12 өгүүллэгийг сонгон энэхүү номонд оруулжээ. Түүврээ 1911 онд бичигдсэн “Мухлагийн хүүхэн” өгүүллэгээр эхлүүлэв. Үйл явдал нь Шинэ Зеландын хөдөө нутагт өрнөдөг уг өгүүллэг өнөөг хүртэл түүхийн хамгийн алдартай зохиолуудынх нь нэгд тооцогддог. Түүний дараагаар 1920 онд хэвлэгдсэн “Төгс аз жаргал ба бусад өгүүллэг” түүврээс нь “Төгс аз жаргал, “Кино”, “Ноён Режиналдын Пикокийн нэг өдөр” хэмээх гурван өгүүллийг сонгосон. 1922 онд хэвлэгдсэн “Гадаа үдэшлэг ба бусад өгүүллэг” түүвэрт багтсан таван өгүүллэгийг үүний дараагаар нь оруулав. Түүврээ нэрлэсэн “Гадаа үдэшлэг” сонгомол өгүүллэг нь богино хэмжээний хүүрнэл зохиолын сод бүтээлд тооцогддог.