Товч агуулга:Гелета Иосеф гэгч мажаар инженер дэлхийн нэгдүгээр дайны үеэр оросын цэрэгт олзлогдон Соёны нуруунд цөлөгдөж улмаар 1920 оны хавар оргож, түүнийг оросын дамын наймаачид Монголын хилээр оруулж өгчээ. Иосеф Монгол, Хятадын нутгаар дамжиж Унгар луу гэртээ харихаар төлөвлөсөн ажээ. Ийнхүү мажаар залуухан инженерийн адал явдалт аялал Монгол оронд өрнөж эхэлнэ. Гелета Иосеф Монголд орж ирж чадсан ч зорьсон замаа цааш хөөж чадалгүй Монгол оронд үлдэж 1929 оны зун хүртэл бүтэн есөн жилийг Монгол оронд өнгөрөөсөн түүхтэй. Гелета Иосеф, Монголд ажилласан тухайгаа, тэр үеийн манайхны амьдрал ахуйн талаар бичиж хөтөлж байсан өдрийн тэмдэглэлийг үндэслэж, түүнтэй хамтран Унгарын сэтгүүлч Форват Лааслуу энэхүү адал явдалт аян замын тэмдэглэлийн номыг бичжээ.
