Товч агуулга:СУИС-ийн Театрын урлагийн сургуулийн багш Х.Чойдогжамц судлал шүүмжийн “Гүн хэлмэр” нэртэй номоо хэвлүүлжээ. Тэрбээр өмнө нь уран зохиолын шүүмж, судлалын төрлөөр “Тайлахуйн чинад” хэмээх номоо хэвлүүлж байв. Нэрнээсээ авахуулаад л гүн гүнзгий утга агуулгатай, Монголын утга зохиолын шинэ зууны шүүмж судлалд өөрийн гэсэн орон зайг эзэлж буй энэхүү бүтээлд Монголд бараг үгүй болоод буй театрын шүүмжүүд оржээ. “Хараачлах үнэний бараа буюу Ч.Түвшний “Эдип хаан”, “Байгалийн шинэ жам уу, Шинэ байгалийн жам уу” зэрэг театрын шүүмжүүд нь тайз, үзэгчийн хоорондох харьцааг шинээр нээж сэтгэлгээний өргөн загвараар боловсруулсан даацтай шүүмжүүд болсон байна.