Товч агуулга:“Монголын нууц товчоо”-ноос А.Амарын “Монголын товч түүх” хүртэл монгол түүхэн сурвалжийн цуврал 30 ботийн хөрвүүлэг, тайлбарыг 2006 онд Их монгол улс байгуулагдсаны 800 жилийн ойд зориулан хэвлүүлжээ. Энэ удаад өмнө хэвлүүлсэн 30 боть түүхэн сурвалжуудыг дахин нягталж, “XIII-XV зууны монгол бичгээрх түүхийн дурсгал”, “Юань улсын түүх”, “Эрдэнэзуу хийдийн түүх, Халхын анхдугаар богд Жэбзүндамба хутагт-Өндөр гэгээний намтар” хэмээх 3 зохиолыг нэмж, 33 боть болгон дахин хэвлэжээ. Энэхүү цувралын 10-р дэвтэрт орсон “Эрдэнийн товч” зохиолд Галав ертөнц тогтсон, хүн амьтан үүссэн, Энэтхэг, Төвдийн хаадын язгyyр бурхны шашны түүх, Монголын хаад бурхны шашныг дэлгэрүүлсэн түүх, Мин улс, Манж Чин улсын түүхийг товчлон өгүүлжээ. 1662 онд зохиосон "Эрдэнийн товч" бол монголын түүхэн сурвалж дотор хуулбар болон хувилбар эхээр хамгийн их тархсан сурвалж бөгөөд бичмэл болон барласан гуч гаруй эх байдаг ба зохиосон цаг үеэс нь эхлэн монголын ноёд язгууртнууд дамжуулан хуулсаар ирсэн ажээ.
