Товч агуулга:“Монголын нууц товчоо”-ноос А.Амарын “Монголын товч түүх” хүртэл монгол түүхэн сурвалжийн цуврал 30 ботийн хөрвүүлэг, тайлбарыг 2006 онд Их монгол улс байгуулагдсаны 800 жилийн ойд зориулан хэвлүүлжээ. Энэ удаад өмнө хэвлүүлсэн 30 боть түүхэн сурвалжуудыг дахин нягталж, “XIII-XV зууны монгол бичгээрх түүхийн дурсгал”, “Юань улсын түүх”, “Эрдэнэзуу хийдийн түүх, Халхын анхдугаар богд Жэбзүндамба хутагт-Өндөр гэгээний намтар” хэмээх 3 зохиолыг нэмж, 33 боть болгон дахин хэвлэжээ. Энэхүү цувралын 26,27,28-р дэвтэрт орсон “Хөх судар” нь В.Инжаннашийн зохиол бүтээлээс хамгийн алдартай түүхэн роман юм. “Хөх судар” нийтдээ 1162 онд Тэмүжин мэндэлснээс эхлэн 1228 онд Өгөөдэй хаан сууснаас хойшхи 1236 он хүртэлх 200 шахам жилийн үйл явдлыг хамарсан 120 бүлэгтэй том зохиол гэх боловч одоогоор 69 бүлэг олдоод байгаа юм. Хөх судар романы эхний найман бүлгийг эцэг Ванчинбал нь 1830 оны үеэс үүсгэн бичиж эхлээд дуусгаж чадалгүй нас нөгцжээ. Үүнийг В.Инжаннаш 1871 онооос үргэлжлүүлж, 1891 оныг хүртэл хорин жил бичжээ. В.Инжаннаш уг зохиолоо түүхэн баримтад захирагдалгүйгүй, элдэв сонирхолтой дүр дүрслэлийг өргөнөөр ашиглан бичсэн өвөрмөц роман гэж үздэг.