Товч агуулга:ШУА-ийн түүх, археологийн хүрээлэнгээс эрхлэн гаргадаг “Түүхийн судлал” цувралын XLV ботид Монгол улсын төр, нийгэм, шинжлэх ухааны нэрт зүтгэлтэн, манж судлаач, түүхч Лхамсүрэнгийн Дэндэвийн мэндэлсний 120 жилийн ойд зориулсан эрдэм шинжилгээний хурлын илтгэл, түүний тухай өгүүлэл, дурсамжууд оржээ. Түмэн олондоо “Лог Дэндэв” хэмээн алдаршсан Л.Дэндэв нь Шүүх яамны сайд, ШУ-ны хүрээлэнгийн даргын албыг хашиж байсан ба хэлмэгдүүлэлтийн үед хилс хэргээр яллагджээ. Монголын төр нийгмийн зүтгэлтэн, түүхч, манж судлаач Л.Дэндэвийн мэндэлсний 120 жилийн ойг 2015 онд тэмдэглэн өнгөрүүлсэн бөгөөд толилуулан буй бүтээлийн эхний хэсэгт Монголын төр нийгмийн зүтгэлтэн, түүхч, манж судлаач Л.Дэндэвийн мэндэлсний 120 жилийн ойд зориулсан эрдэм шинжилгээний хурлын илтгэлүүд, дараагийн хэсэгт түүний намтар судлалаар өмнө болон шинээр бичсэн өгүүлэл, дурсамжийг хавсарган оруулжээ.
