Товч агуулга:2015 оны 9-р сард Их Монгол улсын тав дахь их хаан, Чингис хааны голомт сахисан отгон хөвүүн Толуй ноёны 2-р хөвгүүн Хубилай сэцэн хааны /1215-1294/ мэндэлсний 800 жилийн ойг орон даяар тэмдэглэн “Хубилай Сэцэн хаан ба Монголын Юань улс” хэмээх эрдэм шинжилгээний хурал хийсэн. Хуралд Монгол, ОХУ, БНХАУ, БНСУ, Япон, Тайван зэрэг орны 60 орчим судлаачийн 57 илтгэлийг 2 өдрийн турш “Хубилай хааны намтар, үйл ажиллагаа”, “Юань улсын гадаад харилцаа”, “Юань гүрний өв”, “Юань гүрний бичиг үсэг, шашин”, “Юань улсын төр эрхзүй, цэргийн түүх”, “Юань улсын соёл, шинжлэх ухаан” зэрэг сэдвээр салбар хуралдаанаар хэлэлцжээ.
