Товч агуулга:Уг баримт бичгийн эмхэтгэлд хоёр орны найрамдал, хамтын ажиллагааны түүх, ялангуяа Монгол-Чехийн хооронд дипломат харилцаа тогтоосон улс төрийн түүхийг тодруулахад чухал эх сурвалж болох баримт, материалуудыг МУ-ын ГХЯ-ны Гадаад харилцааны төв архивын арвин сан хөмрөгөөс түүвэрлэн 1950 оноос 2016 оныг хүртэлх үеийн баримтуудыг оруулсан бөгөөд эдгээр баримт материалуудыг гэрээ хэлэлцээр., хоёр орны дипломат харилцааны түүхэнд холбогдох хуулбарласан баримт материал., уулзалт яриа, протокол, тэмдэглэл гэсэн үндсэн 3 хэсэгт ангилан, баримт материалыг дотор нь он дарааллаар нь байрлуулжээ. Монгол улсаас БНЧУ-д, БНЧУ-аас Монгол улсад сууж байсан онц бөгөөд бүрэн эрхт элчин сайдуудын товч намтар, Монгол-Чехийн харилцааны он дарааллын тоймыг хавсралтанд оруулжээ.
