Товч агуулга:Түүх соёл, хэл бичиг судлалын “Тод номын гэрэл төв” нь Монголын түүх сурвалжууд, түүх бичлэгийн бүтээлүүдийг эрдэм шинжилгээний боловсруулалт хийж ”Ойрад судлалын номын сан” цувралаар хэвлүүлж байгаа. ”Ойрад судлалын номын сан” цувралын Намтар судлалын V дугаарт орсон Эсэн хааны намтарыг Өвөр монголын түүхч Одон монгол, хятад сурвалжийн мэдээнд тулгуурлан уран сайхны арга барилаар найруулан бичжээ. Ойрадын Цорос овгийг Монгол төртэй холбож, Цорос овгийг төр барих хүртэл хүчирхэг болгож улс төрийн тавцанд баттай байр суурьтай болгосон хүн нь Эсэн тайш байсан гэж Ойрадын түүх судлаачид үздэг ажээ. Эсэн тайш эцэг Тогоон тайшийгаа залгамжилж, Монголын төрийн тайш цолыг хүртсэний дараа 1368 оноос хойш 70 гаруй жил бүх монголын нэгдлийг хангаж, зах хязгаарын монгол овог аймгийг нэгтгэжээ.
