Товч агуулга:Түүх соёл, хэл бичиг судлалын “Тод номын гэрэл төв” нь Монголын түүх сурвалжууд, түүх бичлэгийн бүтээлүүдийг эрдэм шинжилгээний боловсруулалт хийж ”Ойрад судлалын номын сан” цувралаар хэвлүүлж байгаа. ”Ойрад судлалын номын сан” цувралын XLVII дугаарт Оросын анхны хятад судлаач, аялагч, зохиолч, Санкт-Петербургийн ШУА-ийн /1828/ сурвалжлагч гишүүн Н.Я.Бичурины “Ойрад буюу халимагуудын XV зуунаас эдүгээ хүртэлх түүхэн тойм” бүтээл оржээ. Энэ бүтээл нь 1834 онд Санкт-Петербург хотноо хэвлэгдсэнээс хойш 179 жилийн дараа монгол хэлнээ орчуулсан орчуулга бөгөөд нийт ойрадуудын болон халимагуудын түүхийг хятад, манж сурвалжийн мэдээнд үндэслэн судалж бичсэн бүтээл ажээ.
