Товч агуулга:Уг бүтээл анх удаа хэвлэгдэж байгаа бөгөөд 4 томоохон бүлгээс бүрдсэн, бүхэлдээ Шинжааны ойрадуудын жишээн дээр жангарч буюу туульчийн уламжлалыг нарийвчлан задлан үзсэн бүтээл болно. Зохиогч эл бүтээлдээ Шинжааны Ойрадуудын жишээн дээр “Жангар” ба жангарчийн уламжлалын асуудал болох Жангар туулийн замнал, жангарчдын тархац, жангарчдын хоорондын хэлхээ холбогдол, XIX-XX зууны жангарчид, жангарчийн хэв намба, тууль хайлах зорилго, хайлах орон зай, цаг хугацаа, жангарчийн сахилга, дэг журам, ёс зүй, сурах арга барил, нөхцөл, хүсэл тэмүүлэл, хүмүүсийн жангарыг сонсох, хүлээн авах ёс дэглэм, сонсох зорилго зэргийг тодорхойлсон бөгөөд жангарч хүний тухай болон “Жангар” тойрсон агуу их соёлтой танилцах боломжийг олгож байна.
