Товч агуулга:МУИС-ийн Философи, шашин судлалын тэнхмээс санаачлан зохион байгуулж байгаа энэ удаагийн "Монгол дахь ёс суртахууны боловсролын тулгамдсан асуудал” сэдэвт эрдэм шинжилгээний бага хурал нь МУИС-ийн философийн салбар байгуулагдсаны 50 жилийн ойн баяртай давхцаж байгаагаараа онцлог юм. Энэхүү эмхэтгэлд Монгол дахь ёс суртахууны сургалтын агуулга, заах арга зүйн уламжлал ба шинэчлэлийн асуудал, ёс суртахууны боловсролын өнөөгийн байдал, цаашдын зорилт, мэргэжлийн болон хэрэглээний ёс суртахууны боловсролын асуудал, шийдвэрлэх арга зам зэрэг сэдвийн хүрээнд МУИС, МУБИС, ШУТИС, ХААИС, АШУҮИС, СЭЗДС, ОТИС, Research Center for Moral Science, The Institute of Moralogy Japan, Архангай Багшийн сургууль, Хэнтий аймгийн Тэмүүжин сургууль зэрэг олон сургуулийн эрдэмтэн багш, судлаачдын илтгэлийг хамруулжээ.