Товч агуулга:Энэхүү товхимолд Монгол улсын анхны ерөнхий сайд, Сайн ноён хан Намнансүрэнгийн Оросын эзэнт улсад 1913 оны 10-р сараас 1914 оны 2 сар хүртэлх хугацаанд хийсэн төрийн айлчлалтай холбоотой баримт, эх хэрэглэгдэхүүнээс гадна айлчлалын үед авахуулсан урд өмнө хэвлэлд нийтлэгдээгүй хуучны гэрэл зургууд, захидал бичиг, сонин хэвлэлд нийтлэгдэж байсан зарим баримтууд оржээ. Монгол улсын анхны ерөнхий сайд, Сайн ноён хан Төгс-очирын Намнансүрэнгийн Оросын эзэнт улсад төрийн айлчлал өндөрлөсөн түүхт 100 жилийн ойд зориулан хэвлүүлсэн энэхүү ном нь ХХ зууны эхэн үеийн Монголын түүх, гадаад харилцааг судлаач, сонирхогчдад гарын авлага болох ажээ.