Товч агуулга:Энэхүү номд монголчуудын байлдан дагуулалтын талаар иж бүрэн үнэлэлт дүгнэлт өгч, дундад зууны Ойрх Дорнодын улс төр, нийгмийн дүр төрх хэрхэн өөрчлөгдөх болсон нөлөөллийг онцлон гаргаж ирсэн байна. Тухайн үед Ойрх Дорнодын лалын орнуудад араб, перс, түрэг хүмүүс голлон ноёрхож байсан ба тэд хамгийн түрүүн монголчуудын довтолгоонд өртсөн байна. Тэдний түүхчид л монголчуудын байлдан дагуулалтыг хэтрүүлэн бичихдээ харгислал, тонуул дээрмийг нь чөтгөрийн хүч, муу ёрын хүчин гэж тодорхойлж байсан нь тэр чигээрээ европын түүх бичлэгт шууд хүрч евроцэнтрик “баримт” болж хөгжжээ. Тухайн үеийн түүхчид монголчуудын Ойрх Дорнодод хийсэн геополитик өөрчлөлт, соёл, улс төрийн солилцоо, шашны харилцаан дахь өөрчлөлт зэрэгт огтоос анхаарал хандуулаагүй. Энэхүү тогтсон уламжлалт ойлголтоос Мортон татгалзан илүү өргөн хүрээтэй харж, монголчуудын Византи, Сэлжүк Түрэг, Мамлюк, Латин зэрэг янз бүрийн нийгэмтэй тогтоосон харилцааны ач холбогдлыг бүтээлдээ онцолжээ.
