Товч агуулга:Д.Тангад нь 1976–2003 онд Шинжлэх ухааны академийн Түүхийн хүрээлэнд ажиллахын зэрэгцээ 1990–2009 онд бие даан угсаатны зүйн судалгаагаа өргөжүүлэн явуулж, 2010 оноос Соёл урлагийн их сургуулийн Соёл иргэншлийн сургуульд Монголын угсаатны зүйн багшаар ажиллахын сацуу Польш Улсын Варшавын их сургуулийн Угсаатны зүйн тэнхимийн эрдэмтэн, багш нартай хамтран хээрийн судалгааг тасралтгүй гүйцэтгэж буй, манай ахмад үеийн цөөн тооны тэргүүлэх судлаачдын нэг болно. Тэрээр монголчуудын угсаатны зүйн судалгааны хэд хэдэн багц сэдэв асуудлыг олон жил хичээнгүйлэн судалж туурвисан бүтээлээ нэхэн нягталж, уншигч түмэндээ толилуулж байна. Энэхүү бүтээлд Монголчуудын угсаатны бүлгүүдийн үүсэл гарал, тархалт, ахуй амьдралын хэв маяг, уламжлалт ёс заншил, зан үйл зэрэг угсаатны зүйн гол асуудлуудыг өргөн хүрээнд хамруулан судалжээ.
