Товч агуулга:И Жин (I Ching) буюу Өөрчлөлтийн ном, монголчуудын хэлж заншсанаар Зурхайт ном нь Хятадын эртний философи, шашин, шинжлэх ухааны нэгэн чухал бүтээл юм. Энэ ном нь зөвхөн Хятад төдийгүй дэлхий даяар өргөн тархсан бөгөөд түүний үзэл санаа, онолууд нь философи, сэтгэл судлал, хэл шинжлэл зэрэг шинжлэх ухааны олон салбарт нөлөөлсөөр байна. И Жин нь Хятадаас эхлэн Япон, Солонгос, Вьетнам зэрэг Зүүн Азийн бусад орнуудад тархан, тэдгээр орны соёл, философи, шашны салшгүй хэсэг болжээ. Нэлээн хожуу ХҮІ-ХҮІІІ зууны үед Европт нэвтэрсэн бөгөөд өнөөдөр өрнөдийн эрдэмтэн философичид, сэтгэл судлаачид И Жинийг өргөнөөр сонирхон судалсаар байна. Өнөө үед И Жин дэлхийн маш олон хэлээр орчуулагдан тархаад байна. Учир нь И Жин бол зөвхөн философийн үзэл санаа эх сурвалж төдий биш, эртний Хятадын хаадын зохиож хэрэглэж байгаад хожим энгийн иргэд хүртэл өдөр тутмын амьдралдаа заавар чиглэл авч оновчтой, зөв шийдвэр гаргахын тулд төлгөлж ирсэн мэргэ төлгийн ном билээ.
