Товч агуулга:Монгол Улсад өрнөж буй эрүүгийн эрх зүйн шинэчлэлийн хүрээнд асуудал дагуулсан зохицуулалтын нэг нь гэмт хэргийг хөөн хэлэлцэх хугацаа юм. Судлаач Г.Халиунаа, Б.Ариунжаргал нар Монгол Улсын эрүүгийн эрх зүйд гэмт хэргийг хөөн хэлэлцэх хугацааны тухай ойлголт хэрхэн зохицуулагдаж ирснийг түүхчлэн судлахын зэрэгцээ эх газрын болон холимог эрүүгийн эрх зүйн системээс тодорхой улсыг сонгон харьцуулан судалсан болно. Үүний зэрэгцээ хуулийн зохицуулалт практикт хэрхэн хэрэгжиж буйг судалж, зарим төрлийн гэмт хэргийг хөөн хэлэлцэх хугацаатай холбоотой онцлог зохицуулалтыг авч үзсэн болно.
