Товч агуулга:Угсаатны зүй судлаач, театрын зураач М.Амгалангийн энэхүү бүтээл нь Монгол улсын баруун хязгаар нутагт тогтвортой амьдарч байгаа халх, торгууд, захчин, өөлд, мянгад, баяд, дөрвөд болон түрэг угсааны хотон, казах зэрэг 10 угсаатны эдэлж хэрэглэж ирсэн өөр өөрийн өвөрмөц онцлог бүхий хувцас, гоёл зүүсгэл, ахуйн хэрэглээний урлагийг сүүлийн 40 шахам жил судалж, 1200 гаруй хүнтэй уулзаж, тэдний гар дээр байсан ховор нандин эд хэрэглэгдэхүүнийг нүдээр үзэж, гараар барьж, үүх түүх, утга учрыг нь эздээс нь асууж лавласны үндсэн дээр эх загвараар нь зурж бүтээсэн судалгааны нэн ховор цомог юм. Цомог нь нийт 9 бүлэгтэй. Цомгийг бүтээхдээ тухайн дурсгалын агуулга, зориулалт, материалын эх, чанар байдал, дүрс, хэмжээ, өнгийн зохицлыг уламжлалт зарчмын нь дагуу хэвээр хадгалах үзэл баримталжээ.
