Товч агуулга:Монголын угсаатан судлалын салбар байгуулагдсаны 40 жилийн ойг тохиолдуулан бид “Монголын угсаатны зүйн хээрийн судалгааны эх хэрэглэгдэхүүн” цувралын XII ботид профессор Г.Цэрэнхандын 1992-2007 онд Монгол улсын 10 гаруй аймгийн олон сумдад явуулсан угсаатан судлал, нийгэм-соёлын антропологийн хээрийн судалгааны тэмдэглэл, тайлан, эх хэрэглэгдэхүүнийг эмхэтгэн уншигч та бүхэнд хүргэж байна. Энэхүү ботид багтсан судалгаанууд нь зөвхөн хээрийн тэмдэглэл бус, угсаатны соёлын өв, түүхэн мэдлэг, нүүдлийн ахуйн бодит дүр төрхийг хадгалсан эрдэм судлалын чухал баримт бөгөөд судлаач, оюутан, багш, сонирхогчдод зориулсан байна.
