Товч агуулга:Энэхүү нэг сэдэвт бүтээлд Монголын түүхэнд харьцангуй бага судлагдсан 1635-1691 оны хоорондох Халх-Манжийн улс төрийн харилцааны түүхийг тодруулахыг зорьсон болно. Зохиолын нэгдүгээр бүлэгт XVII зууны эхэн үеийн Төв Азийн улс төрийн байдал, Чингис хааны угсааны Монголын их хаан Лигдэн хутагт нас нөхцөж, түүний хатан, хүүхэд Халхын Махасамди хаанд элч залж, бичиг хүргүүлснээс үүдэлтэй Халх-Манжийн элчин харилцааны эхлэл тавигдсан талаар өгүүлжээ. Харин дэд бүлэгт Халхын хаад, ноёд Манжтай хэрхэн харилцсан, Манж Чин улсаас Халхын талаар явуулсан улс төрийн бодлого, Халхын хаад, ноёдын байр суурь зэрэг асуудлыг судлан шинжилжээ. Гутгаар бүлэгт Манж Чин улсаас Халын хаад, ноёдыг засаг хэмээн нэрийдсэн үйл явц, Халхад засаг тушаалтан бий болсон асуудлыг архивийн данс хараа, Манжийн албан түүх, Монголын он дарааллын бичиг зэрэг сурвалжид тулгуурлан тодруулсан байна.
