Товч агуулга:Энэ дэлхийд ухаант хүн үүсэн бий болсон үеэс эрхэлж ирсэн ажил бол үр жимс түүж, загас барьж, ан гөрөө хийж хоол тэжээлээ залгуулах явдал байв. Тэгэхээр гөрөөчин гэдэг бол хүний нийгмийн ууган ажил мэргэжлүүдийн нэг мөн. Ан ав хийнэ гэдэг бол санасан зоргоор бүтдэггүй, хүнээс эр зориг, саруул ухаан, авхаалж самбаа, зан үйл, бяр хүч, тэсвэр тэвчээр шаарддаг ажил болохоор энэ хорвоогийн бүх л улс оронд анчид нэгэн өвөрмөц онцгой анги бүлгийг бүрдүүлсээр ирсэн төдийгүй анчин хүний ажигч гярхай зан чанар, адармаатай зарим зүйлд нарийн ухаан гаргаж, аюул гайгаас эр чадлаараа мултрах ба нөхдөө хамгаалж гарах сэхээ самбаа, тэдэнд тохиолдсон адал явдлыг энэ дэлхийн үндэстэн угсаатан бүр өрх гэр, овог аймагтаа шагшсаар, ам дамжин бахдан ярьсаар өнөөг хүрсэн гэхэд хилсдэхгүй.
