Товч агуулга:ШУА-ийн Түүх, угсаатны зүйн хүрээлэнгээс “Монголын эзэнт гүрний өв соёл: эх сурвалж, судалгаа" төслийг 2022-2024 онд хэрэгжүүлсэн бөгөөд энэ ажлын хүрээнд 2024 онд "Монголын эзэнт гүрний өв соёл: түүх ба орчин үе" сэдэвт эрдэм шинжилгээний хурлыг зохион байгуулсан байна. Хуралд ШУА-ийн Түүх, угсаатны зүйн хүрээлэн, Археологийн хүрээлэн, МУИС, МУБИС, Чингис хаан музей, Чингис хааны өв соёлын хүрээлэн, СУИС зэрэг байгууллагын төлөөлөл эрдэмтэд, залуу судлаачид оролцжээ. Эдүгээ хурлын илтгэлүүдийг эмхэтгэл болгон уншигч таны мэлмийд толилуулж байна. Тус хурлын эмхэтгэлд Монголын эзэнт гүрний өв соёлын сэдэвт хамаарах 19 илтгэл багтсан агаад Монголын эзэнт гүрний түүхтэй холбогдох захидал, зарлиг, Их хаадын зоос, хувцас засал, эзэнт гүрний булшны хэлбэр, газрын зураг, хөрш орнуудын соёл, нэрийн судалгаа, хөшөө дурсгал, хадны зураг, шашин суртахуун, уран зураг, хот балгадын турь зэрэг олон сэдвийн хүрээнд хурлын хөтөлбөрийн дарааллыг баримтлан илтгэлүүдийг эрдэмтэн, судлаачид хэлэлцүүлсэн байна.
