Товч агуулга:Монголчуудын эртний ан авын соёл, ан амьтны баялгийн ашиглалт, хамгааллын хууль цаазын уламжлал, нүүдлийн мал аж ахуйн хавсарга ан ав, агнуурын аж ахуйг хөгжүүлэх талаар улс орны хөгжлийн үе шат бүхэнд төр засгаас хэрэгжүүлсэн бодлого, арга хэмжээ, нийгэм, ард олны амьдралд гүйцэтгэсэн үүрэг, ач холбогдлыг зөвхөн агнуурын хөхтөн амьтдын холбогдолтой бичгийн мэргэдийн бүтээл туурвил, сурвалж бичиг, архивын сан хөмрөг, орчин цагийн мэдээ хэрэглэхүүнд тулгуурлан боловсруулж, уншигч олонд шинжлэх ухаан танин мэдэхүйн мэдлэг, ойлголтыг энэхүү бүтээлээр хүргэхийг зорьсон болно. Мөн ХҮІІІ зууны сүүл үеэс (Сайшаал ерөөлтийн 2 дугаар он буюу 1798) 1940-өөд он хүртэлх монгол бичгээр хадгалагдсан ан агнуурын холбогдолт архивын 300 гаруй баримт сэлтийг кирилл үсэгт хөрвүүлэн бүрэн эхээр нь хавсаргасан байна. Өвөг дээдсийн ан авын талаар үлдээсэн анхны дурсгал болох монгол орны хад чулуунд хаяагүй цавчин сийлж бүтээсэн сүг зургийн зүйлээс эхлэн бичгийн мэргэдийн эрт үеэс өнөөг хүртэл тэмдэглэн үлдээсэн монголчуудын ав хоморго, ан агнуурын хөгжил, хууль цаазын уламжлалыг сонирхон судлах эрхэм та бүхэнд болон байгаль, ан амьтан хамгааллын салбарын ажилтан, албан хаагчид, оюутан судлаачдад зориулав.
