Товч агуулга:Тус үлгэрийг ӨМӨЗОрны Ордосын судар бичгийн цуврал найруулах комисоос 2011 онд монгол бичгээр Төмөрбаатар, Цогт нар эмхэтгэн Өвөрмонголын ардын хэвлэлийн хорооноо 2011, 12-р сард, 464 хуудастайгаар хэвлүүлжээ. Эл бүтээлд нийт 53 үлгэр орсон бөгөөд эхний 1-27-р талд “Алтан галуухай хаан" хэмээх богино үлгэр тэмдэглэгджээ. "Алтан галуухай хаан" хэмээх мангасын болон галавын тухай үлгэрийг сонгон авч хэвлүүлэх болсон шалтгаан бол: мартагдахад хүрсэн энэхүү үлгэрийн доторхи агуулга, өгүүлэмж, баатруудын дүр, нэр, мотив, дүрслэмж нь өөр бусад "Бодь галав хаан" буюу "Алтан галав хаан" хэмээх 18 галавын тухай аялгуут мангасын үлгэртэй холбоотой байгааг анзааран тусад нь хэвлүүлсэн байна.
