Товч агуулга:Лоуд Гондоны их сургуулийн Түүхийн тэнхим, Дорно дахин ба Африк судлалын сургуулийн багш Жорж Лэйний "Чингис хаан ба Монгол засаглал" хэмээх энэхүү ном нь "Дундад эртний дэлхий дахины түүхэн гол үйл явдлуудын тухай Грийнвүүд гарын авлага" хэмээх 12 цуврал бүтээлийн IV боть нь юм. Энэхүү номд Чингис хаан болон монголчуудын тухай, монголын байлдан дагуулал болон засаглалын тухай, монголчууд хэрхэн өөрсдөө эзэнт гүрнийхээ төр захиргааны түвшин бүрд идэвхтэй ажиллаж байсан, дэлхийн биш юм гэхэд л хэрхэн олон улсын худалдаа, зам харилцаа, татвар, үл хөдлөх хөрөнгийн харилцаа, соёлын харилцааны тогтолцоог анх байгуулсан, хэрхэн олон улс хооронд соёлын зуучлагчдын үүрэг гүйцэтгэсэн, шинжлэх ухааны олон салбар, утга уран зохиол, урлаг уран сайхныг тэтгэн хөгжүүлэгчид байсан зэргийг долоон бүлэгт багтаан тодорхой тайлбарлан бичсэний зэрэгцээ он цагийн хэлхээс, олон улсын түвшний арван зургаан алдартан, түүхэн хүмүүсийн намтар, монголын эзэнт гүрний түүхтэй холбоотой хорин хоёр үндсэн эх сурвалжийн баримтуудыг хамтатган оруулсан байна.
