Товч агуулга:Энэхүү сурах бичгийн Тэргүүн хэсэгт мэдрэлийн системийн бүтэц, үйл ажиллагааны үндсэн зарчим, хөдөлгөөн, мэдрэхүй, тэнцвэр, гавал-тархины мэдрэлүүд, дээд мэдрэлийн үйл ажиллагааны өөрчлөлтийн шинж тэмдэг, тэдгээрийг илрүүлэх үзлэгийн өвөрмөц арга, мэдрэлийн эмгэгийн байршилзүйн оношийн асуудлыг бүлэглэн авч үзсэн байна. Мөн мэдрэл судлалын клиникийн практикт өргөн нэвтэрч буй орчин үеийн багажин шинжилгээний (нейрорадиологи, электрофизиологи, нейросонологи г.м) оношзүйн холбогдлын талаар тодорхой өгүүлжээ. Дэд хэсэгт мэдрэлийн эмгэгийн үндсэн хам шинж (гавлын дотоод даралт ихдэлт, тархи усжилт, тэнэгрэл, ухаан алдалт, толгой эргэх хөдлөл, нойрны өөрчлөлт г.м) хийгээд мэдрэлийн тогтолцооны бие даасан өвчний шалтгаан, эмнэлзүй, оношилгоо, эмчилгээ, сэргийлэлтийн асуудлыг логик дарааллаар, шалтгаан үр дагаврын холбоонд нь орчин үеийн мэдлэгийн түвшинд бүлэглэн бичжээ. Мөн мэдрэлийн системийн хөгжлийн гажиг, хүүхэд, насанд хүрэгчид, насжилтын үеийн мэдрэлийн эмгэг, бодисын солилцооны удамшлын өвчин, биеийн шалтгаант мэдрэлийн хамшинж, химийн бодис, эмийн нөлөөт хордлого, невроз, биеших эмгэгийн талаар тодорхой өгүүлсэн байна. Сурах бичигт 180 гаруй зураг, хүснэгт, загвар орсон болно.
