Товч агуулга:Тус дугаарын Ургамлын аймаг, ангилал зүй бүлэгт ШУА-ийн Археологийн хүрээлэнгийн сан хөмрөгт хадгалагдаж буй Хүннүгийн үеийн булш, Төв аймгийн Батсүмбэр суманд орших Ноён уулын булш болон Сүхбаатар аймгийн Онгон сумаас олдсон тарианы хар будааны цэцгийн доод хайрсны дээжийн уртад хийсэн судалгаа, мөн хагийн төрөл, зүйлээр амьдрах орчны доройтлыг илэрхийлсэн үр дүн болон Монгол-Алтайн уулын хээрийн тойрогт хагийн шинэ цэг бүртгэсэн зэрэг судалгааны үр дүн багтсан бол Ургамалжлын экологи бүлэгт "Хангайн нурууны БЦГ-т бэлчээрийн тогтвортой менежмент хөгжүүлэх төсөл"-ийн хүрээнд Архангай аймгийн Цэнхэр сумын нутагт хийсэн ургамалжлын судалгаагаар 4 хэв шинж, 9 дэд хэв шинжид хамаарах 17 бүлэг эвшлийг ялгаж ангилж, энэхүү ангилааг үндэслэн 1:200000 хэмжээст ургамалжлын зургийг зохиосон судалгаа, мөн Цэнхэр сумын бэлчээрийн төлөв байдал, даац болон бэлчээрийн экосистемийн хангамжийн зарим үйлчилгээний үнэ цэнийг тогтоосон үр дүнг багтаасан байна.
