Товч агуулга:Дом бол үндэстэн ястны соёлын нэгээхэн чухал хэсэг. Он цаг улираан уламжилж, үеэс үед дамжихдаа гээгдэж мартагдсан, хувьсан өөрчлөгдсөн нь олон бөгөөд эрхлэх аж ахуйн онцлог, байгаль орчин, цаг уур, шүтлэг бишрэлээс хамаараад газар газрын домын соёл өөр өөрөөр оршном. Монгол дом бол юуны өмнө монголчуудын бие даасан сэтгэлгээний илрэл агаад гал усны гэнэтийн аюул, салхи шуурга, өвчин эмгэг тохиоход зөвхөн өөрийн хүчинд найдахаас өөр аргагүй тийм тулгамдсан цаг үед хамгийн түрүүнд амь нас, мал сүрэг, өмч хөрөнгөө хамгаалсан эсэн мэнд тэсч үлдэх арга чарга нь байжээ гэдгийн энэхүү ном илтгэн харуулжээ. Мөн Монгол угсаатны бүлгүүдэд судалгаа хийсний хэрээр олж цуглуулсан нэлээдгүй домоос 900 гаруйг нь дээжлэн таван төрөлд зүйлчлэн, тус бүрийг нь цагаан толгойн дэс дараалалд оруулан тусгасан байна.
