Товч агуулга:Тус цувралаар МУИС-ийн ахмад багш, түүхийн ухааны нэрт эрдэмтэн, Монгол Улсын шинжлэх ухааны гавьяат зүтгэлтэн, доктор (Ph.D), дэд профессор Зоригтын Лонжидын эрдэм шинжилгээний бүтээл, туурвилыг өргөн толилуулж байна. З.Лонжид багш 1970 оноос XX зууны Монголын улс төр, нийгэм, эдийн засаг, шашин, соёлын түүх, Монголын түүх бичлэг, сурвалж судлал, намтар судлал, зэрэг салбарт хүч хөдөлмөр, хичээл зүтгэлээ зориулан олон зуун бүтээл туурвиж, үе үеийн оюутан залуусыг Монголын түүхийн алтан жимээр хөтлөн оруулж, түүхчид, судлаачдыг сурган боловсруулахад их хувь нэмэр оруулсан хүндтэй эрдэмтэн, эрхэм багш юм.
