Товч агуулга:"Газар шороо" роман дахь соёлын илэрхийллийн судалгаа, дүрүүдийн үнэлэмжийн илэрхийллийг гаргахдаа эрдэмтэн С. Оюун нь Б.С.Ерасовын ангиллыг ашиглажээ. Түүнчлэн романы соёлын илэрхийллийн бэлэгдэл, үнэт зүйл, утга зүйн мөн чанарын судалгаа хийж Огден-Ричардсын утга зүйн гурвалжныг хэрэглэсэн нь оновтой болсон байна. Мөн үнэт зүйлийн судалгаа хийж тусгаар тогтнол, төр, газар нутаг, нэр төр, үерхэл, нөхөрлөл, шударга ёс, гэр бүл, хайр сэтгэл, уламжлал, шашин гэх мэт үнэт зүйлийг романд загидсаныг мөшгөн судалсан байна. Мөн юм үзэгдэл, үйл явдал, дектонат, далд санаа гүн утгыг семиотика буюу тэмдэг зүй, Огден-Ричардсын утга зүйн онол арга зүйг ашиглан романы соёлын илэрхийллийг гаргасныг хэрхэн нотолсныг энэхүү бүтээлээс унших болно.
