Товч агуулга:Үндэсний эрх чөлөө, тусгаар тогтнолоо сэргээн мандуулсны 113 жилийн ойн баярын өдөр Чингис хаан үндэсний музей Үндэсний номын сантай хамтран Монголын түүх судлалыг дэмжих тухай Монгол Улсын Ерөнхийлөгч У.Хүрэлсүхийн зарлигийн хүрээнд Богд хааны “Зарлигаар тогтоосон Монгол улсын шаштир” 11 дэвтрийг монгол бичгээс кирилл үсэгт буулган, эрдэм шинжилгээний тайлбарын хамт уншигч та бүхэнд толилуулж байна. Тус I ботид Нэгдүгээр дэвтэр Очирдара Богд эзний шаштир, Хоёрдугаар дэвтэр Их шавийн урьд шаваа татуулсан ба үгүй тамга бүхний үгүй хутагт хувилгаан нарын шаштирын хураангуй, Гуравдугаар дэвтэр Халх, Дөрвөд аймгийн зургаан чуулганы олон хошуу, шавийн сүм, хурлын тухай хэмээх дэвтрүүдийг оруулсан болно.
