Товч агуулга:"Алтан цаг" гэрэл зургийн төсөл нь энэ цаг үед бидний дунд амьдран, бүтээлчээр хөдөлмөрлөж буй эрхмүүдийн дүр төрхийг гэрэл зурагт буулган та бүхэндээ толилуулдаг уламжлалтай билээ. Энэ удаад Монгол үсэг бичиг, хэл соёлоо эрхэмлэн судалдаг эрдэмтэн мэргэдийг онцолж дүр төрх, үйлс бүтээлийг нь гэрэл зургийн бүтээлдээ хүндэтгэн буулгалаа. Монгол үндэстний оршин тогтнохуйн утга, соёлын дархлаа нь чихний чимэг болсон аялгуу сайхан Монгол хэл бөлгөө. Энэ дархлааг баталгаажуулж, хөгжүүлэн дэлгэрүүлэгч нь "Хэл бичгийн мэргэд" билээ.
